தமிழ் வழியில் பொறியியல் பட்டப்படிப்பு- வரும் கல்வியாண்டில் அறிமுகம்

தமிழகத்தில் நீண்ட நாள் கோரிக்கையாக உள்ள தமிழ் வழி பொறியியல் பட்டப்படிப்புகள் வரும் கல்வியாண்டு முதல் தொடங்கப்படும் என்று உயர்கல்வித் துறை அமைச்சர் பொன்முடி அறிவித்துள்ளார்.

முதல்கட்டமாக கட்டுமான பொறியியல் (சிவில் இன்ஜினியரிங்), இயந்திர பொறியியல் (மெக்கானிக்கல் இன்ஜினியரிங்) ஆகிய படிப்புகள் தமிழ் வழியில் பயிற்றுவிக்கப்பட உள்ளது.

தமிழகத்தில் உள்ள நான்கு அண்ணா பல்கலைக் கழகங்களின் கீழ் இயங்கும் 14 கல்லூரிகளில் இந்த பட்டப்படிப்புகள் அறிமுகமாகின்றன. 

இதற்காக வரும் கல்வியாண்டில், இந்த குறிப்பிட்ட கல்லூரிகளில் மொத்தம் ஆயிரத்து 800 மாணவர் சேர்க்கை இடங்கள் உருவாக்கப்பட்டுள்ளன.

தமிழகத்தில் மருத்துவம் மற்றும் பொறியியல் பட்டப்படிப்புகளை தமிழ் வழியில் நடத்த வேண்டும் என்று பல ஆண்டுகளாக கோரிக்கை விடுக்கப்பட்டு வருகிறது.

தமிழ் வழியில் ஆரம்பக்கல்வி பயிலும் கிராமப் பகுதிகளில் உள்ள மாணவர்கள் , தொழில்நுட்ப ஆர்வமும், திறமையும் கொண்டிருந்தாலும் ஆங்கில அறிவு இல்லாத ஒரே காரணத்தால் முடங்கிப்போய்விடும் சூழ்நிலையை மாற்றுவதற்கு தமிழ் வழியில் உயர்கல்வி பயிற்றுவிக்கப்பட வேண்டும் என பரவலாக கருத்து நிலவி வந்தது.

பொறியியல் மற்றும் மருத்துவ கல்விக்கான பாடத் திட்டங்கள், கலைச்சொல் உருவாக்கம் என இதற்கான பல்வேறு பணிகளும் கடந்த 10 ஆண்டுகளாக மேற்கொள்ளப்பட்டு வந்தன.

முதல்கட்டமாக பொறியியல் பட்டப்படிப்புக்கு தேவையான தமிழ் வழி பாடத்திட்டங்கள் மற்றும் கலைச்சொற்களை வடிவமைக்கப்பட்டு, பாடங்கள் நடத்த தயார் நிலையில் இருப்பதாக அண்ணா பல்கலைக்கழகம் சில ஆண்டுகளுக்கு முன் அறிவித்தது.

இந்நிலையில், தமிழக உயர்கல்வித்துறை அமைச்சர் பொன்முடி தலைமையில் நேற்று சென்னை தலைமைச் செயலகத்தில் உயர் கல்வித்துறை செயலாளர் கணேசன், உயர்கல்வி ஆணையத்தின் துணைத்தலைவர் ராமசாமி மற்றும் அண்ணா பல்கலை துணைவேந்தர்கள் பங்கேற்ற ஆலோசனைக் கூட்டம் நடந்தது.

இக்கூட்டம் முடிந்ததும் செய்தியாளர்களை சந்தித்த அமைச்சர் பொன்முடி, 'தமிழ் வழியில் பொறியியல் பட்டபடிப்பை நடத்துவதற்கு அரசு முடிவெடுத்துள்ளது. அதன்படி வரும் கல்வி ஆண்டு முதல் கட்டுமான பொறியியல் மற்றும் இயந்திர பொறியியல் பட்டப்படிப்புகள் தமிழ் வழி நடத்தப்படும்' என அறிவித்தார்.

மேலும், அண்ணா பல்லைக்கழகம் மற்றும் உருப்புக்கல்லூரிகளில் மட்டுமல்லாது, அகில இந்திய கல்வி ஆணையத்தின் கீழ் உள்ள 400க்கும் மேற்பட்ட பொறியியல் கல்லூரிகளில் தமிழ் வழியில் பொறியியல் பட்டபடிப்பு பாடங்களை நடத்த அவர்கள் விரும்பினால் நடத்தலாம்.

அனைத்து கல்லூரிகளிலும் தமிழில் தேர்வு நடத்தவும் அனுமதிக்கப்படுவார்கள். இதற்கென தனியாக கல்வி கட்டணம் ஏதும் இல்லை. தமிழ் வழியில் பொறியியல் பட்டப்படிப்பை படிக்க வேண்டும் என்று விருப்பம் உள்ளவர்கள் இதில் சேரலாம். யாரையும் கட்டாயப்படுத்த மாட்டோம்.

இந்த தமிழ் வழி பொறியியல் பாடப்புத்தகங்களை உருவாக்குவதற்கென நான்கு துணைவேந்தர்கள் கொண்ட குழு அமைக்கப்பட்டுள்ளது.

இவர்கள் இன்னும் இரண்டு மாதத்தில் முதல் ஆண்டுக்குரிய புத்தகங்களை தயாரிப்பார்கள். அதைத் தொடர்ந்து அடுத்தடுத்த ஆண்டுகளுக்கான பாடப்புத்தகங்களையும் அவர்கள் உருவாக்குவார்கள்.

இதே போல, பாலிடெக்னிக் கல்லூரிகளிலும் கட்டுமானம் மற்றும் எந்திரவியல் பொறியியல் பாடம் தமிழ் வழியில் பயிற்றுவிக்க ஏற்பாடுகள் நடைபெற்று வருகின்றன.

தமிழ் வழியில் பாடத்திட்டங்கள் இருந்தாலும், ஆங்கில பேசுப்பயிற்சி முக்கியம் என்பதால் ஆங்கிலம் சரளமாக பேசுவதற்கான பேச்சுப்பயிற்சியும் வழங்கப்படும். செமஸ்டர் தேர்விலும் அது இடம் பெறும் என்றார்.


எல்லாம் சரி! தமிழில் படிக்கும் B.E படிப்பை அனைத்து நிறுவனங்களும் அங்கீகரித்து ,இப்படி பயிலும் மாணவர்களின் எதிர்காலம் குறித்த தெளிவான முடிவுடன் இந்த அரசாங்கம் இதை செய்யாமல் ,வெறுமனே பேருக்காகவும் ,புகழுக்காகவும் செய்வார்களெனில் , இதற்காக பாடுபட்டவர்களின் உழைப்பு விழலுக்கு இறைத்த நீராகி விடும் .



சீனா,ஜப்பான்,ரஷ்ய,பிரான்ஸ்,ஜெர்மானியர்களைப்போல் தாய்மொழியில் கற்றால் சாதிக்க முடியும் என்பதை நிரூபிக்க இதை ஒரு வாய்ப்பாக அமைத்துக் கொடுக்குமாறு இந்த தமிழின தலைவரின்!!! அரசை வேண்டி கேட்டு கொள்கிறேன். 


-சூரியன்

வெள்ளமெனத் திறந்திடுவீர்! அள்ளிச்சென்று மாந்திடுவீர்! "பெரியார் ஈ.வெ.ரா. சிந்தனைகளை " !!!

"பற்றற்ற உள்ளம், பகைக்கஞ்சாப் பேராண்மை
வற்றாத தன்மான நல்லுணர்ச்சி - கற்றற்கு
உரிய கடப்பாடு உறுதியோடு அய்ந்தும்
பெரியாரின் தொண்டர்க்கு அணி "

 (புரட்சிக்கவிஞர் பாவேந்தர் , "குயில்", 18-11-1958)

 பற்றற்ற உள்ளம்

 பகைக்கு அஞ்சாப் பேராண்மை 

 வற்றாத தன்மான உணர்ச்சி

 கடப்பாடு

 உறுதி

      

            மாதம் பல ஆயிரம் வருவாய் தந்த மண்டிக்கடை வணிகம்; மாதம் சில ஆயிரம் வருவாய் தந்த பஞ்சு ஆளை ;மஞ்சளும் கடலையும் விளைந்த பாசன நிலம்;வாடகை வருமானம் தரும் 150 குடியிருப்பு வீடுகள்; 29 கவுரவப்பதவிகள்; தங்கக்காப்பு; புலால் சோறு படைக்கும் செல்வ செழிப்பு; கள்ளும்  தேங்காயும் தந்த தென்னந் தோப்பு ; கூப்பிட்ட குரலுக்கு ஓடிவரும் உருதுனைகள். இத்துனை ஏந்துகளையும் பெற்றிருந்தவர் பெரியார் .

சிம்மம் போன்ற அந்த மேதை 1919 இல் இவ்வளவையும் துறந்துவிட்டு ,தம் குறிப்பறிந்து செயல்பட்ட துணைவியார் நாகம்மை;தம் மனங்கோணாமல் நடந்த தமையனார் கிருஷ்ணசாமி ,தட்த்தட்டி அறிவுரைத்த தாயார்;அடித்துதிருத்த விரும்பிய தந்தை;மதுக்குடியில் மிதந்த மனமொத்த நண்பர் குழாம்;சேலம் நகராட்சி தலைவர் இராஜாஜி பின்பற்ற விரும்பிய ஈரோடு நகராட்சி நிர்வாகம் .

இத்துனையையும் தூக்கி எறிந்துவிட்டு ,காந்தியத்துக்கு முழுமையாகத் தன்னை ஒப்படைத்துக் கொண்டு தெருதெருவாய் - ஊர் ஊராய் நடந்தும்,மாட்டு வண்டியிலும்,பேருந்திலும்,தொடர் வண்டியிலும் மூன்றாம் வகுப்பு பெட்டியிலும் பல ஆண்டுகள் பயணித்த - பற்றற்ற உள்ளம்

  

சாணி உருண்டை அடி,அழுகிய கோழி முட்டை அடி,கல்லடி ,சொல்லடி ,செருப்படி,செருப்புத் தோரண வரவேற்ப்பு ,கல்லுக்கும் காசுக்கும் அடியாள்களாகத் திரண்ட காங்கிரஸ் காலிகளின் எதிர்ப்பு; பார்ப்பன ஏடுகளின் நையாண்டி ;வெள்ளை ஆட்சி சுமத்திய அரச நிந்தனை வழக்குகள் அவ்வளவையும் கண்டு அஞ்சாத - பேராண்மை 

ஆயிரம் ஏக்கருக்கு அதிபதியாய் -அமைச்சர் பதவியில் அமர்ந்தவரே -ஆங்கிலம் கற்ற மேதைகளாய் -சொத்தை விற்று கட்சியை வளர்தகலாய் -பார்பனரல்லாதாருக்கு பதவி தேடி அளித்தவர்கலாய் விளங்கிய தமிழர்,தெலுங்கர்,கன்னடியர்,மலையாளிகள்,ஒரியர்களிடம் -'எங்கே உங்கள் சமுதாய சுயமரியாதை ? ஏன் நீங்கள் அதற்க்கு வழிகானக்கூடது ? என்று வினாத் தொடுத்து தன்மான உணர்ச்சியூட்டியத் தன்மான இயக்கம் கண்ட தலைமகன் . 

கள்ளுக்கடை ஒழிப்பு,அந்நியத் துணி எரிப்பு,பதவித் துறப்பு ,கட்டாய இந்தி எதிர்ப்பு எனக் கடமைகளை ஆற்றுவதில் தோய்ந்த கடப்பாடு . 

சிதம்பரம் இரயிலடியில் கொலை முயற்சி ,திருநெல்வேலியில் அடியாள்கள் எதிர்ப்பு,சேலம் இராசேந்திர சத்திரத்தில் கத்தியால் குத்திட வந்த காங்கிரசாரின் கையாள்;கட்சியினால் கவுரப்பதவி அடைந்தவர்களின் உள் எதிர்ப்பு ,இவை எதற்கும் அஞ்சாத மன உறுதி .

இவ்வளவு அறிய தன்மைகளைப் பெற்ற அவர்தாம் , ஈ,வெ,ரா !

தான் பிறந்த தமிழ்நாட்டில் தன்னியோத்த தமிழ் மக்கள் சமுதாயத்தில் சமத்துவம் இழந்து,சமயத்தில் தன்மானத்தையும் தமிழையும் தொலைத்துவிட்டுத தெருப் பஜனை ,தெருக்கூத்து ,தேர்த்திருவிழா ,நீதிமன்றம் ,பார்ப்பன வழக்கறிஞர்கள் வீடு,கள் சாராயக் கடை எனத் தன்மானம் இழந்து வாழ்ந்த இழிநிலை கண்டு மணம் நொந்து ,தன்னுரிமையை இழந்த தமிழர்க்குத் தன்னுரிமை வேண்டுமெனத் துணிந்தார்.அவர்தாம் ஈ.வெ.ரா ! 

"நாய்களும் குட்டரோகிகளும் தீண்டப்படாதாரும் நுழையக்கூடாது " (பிராமணாள் ஓட்டல்)

"பிராமணாள்" - "இதராள்" சாப்பிடுமிடம் ( இரயில்வே நிலைய பிராமணாள் ஓட்டல்)

"நீச பாஷை தமிழ் - அதில் இசை பாடக்கூடாது "

"ஆறாம் வகுப்பு முதல் இந்தி கட்டாயப்பாடம்;தேர்வு எழுதுவதற்கான " பாடம் என விதித்தவற்றை - "தேவடியாள் சதிர் எனப் பெயர் வைத்து " தமிழ் இனப்பெண்களை விலங்குகளாக ஆக்கியும் நடத்தப்பட்டதை எதிர்த்தார். - அவர்தாம் ஈ.வெ.ரா !

பெரிய பண்ணையம் -  பெரிய படிப்பு - பெரிய சதி மரியாதை -பெரிய அமைச்சர்,சிறிய அமைச்சர் பதவி -பட்டுக்குல்லாய் ,பங்களா வாழ்க்கை ,பராக்குக்கூரப் பணியார்கள் இத்துனையும் உள்ள நீங்கள் நாலாஞ் சாதிதானே -சூத்திர சாதிதானே ! பூணூலும் பஞ்சகச்சமும் பட்டை நாமமும் உச்சிக்குடுமியும் ஆங்கில படிப்பும் அமைச்சர் பதவியும் உங்கள் சூத்திரப்பட்டத்தையும் சாதி இழிவையும் போக்கவில்லையே - எங்கே உங்களுக்குச் சுயமரியாதை என்று பண்கள் அரசரை.ஆர்க்காடு இராமசாமி முதலியாரை ,பார் -அட்-லா  படித்த பி.தி.இராசனை தட்டிக்கேட்டு அவர்களையும் துணைக்கு திரட்டிக்கொண்டு ,பார்பனரல்லாத பெருந்தலைவர்களைக் கண்டு பேசி ,1926 இல் பார்ப்பனரல்லாத சுயமரியாதை இயக்கத்தை கண்டார்!   அவர்தாம் ஈ.வெ.ரா !

வெள்ளையர் காலத்தில் அதிகாரப் பதவிகளில் வெள்ளைநிற ஆங்கிலேயரும் ,தவிட்டு நிற பார்ப்பனருமே குடிநீர் ஊற்றுகிற பணி முதற்கொண்டு கோட்டாட்சியர் பதவி வரையில் ஆக்கிரமித்துக்கொண்டுருந்ததை மூர்க்கமாக எதிர்த்து நின்று ,அவரவர் வகுப்புக்கு அவரவர் எண்ணிக்கைப்படி அரசாங்க வேலைகளை பங்கு போடு என வேல்லையரிடமும் ,பார்ப்பனப் பரதேசிகளிடமும் வாதாடி-போராடி வகுப்புவாரி உரிமையை மாகாண அரசு வேளையிலும் ,முறையே மத்திய அரசு வேளையிலும் 1927 இலும் ,1935  இலும் பெற்றுத்தந்த மக்கள் நாயக உரிமைப் போராளி  ;அவர்தாம் ஈ.வெ.ரா !

அப்பன் செத்தால் அம்மாவுக்கு வயிற்றுக்கு சோறு;இடுப்புக்குத் துணி -கணவன் செத்தபிறகு மனைவிக்கு உரிமை அவ்வளவுதான் .

ஆண்பிள்ளை வேண்டும் -கொல்லி வைக்க ! கருமாதி செய்ய ,திதி கொடுக்க -இவற்றைப் பெண்பிள்ளைகள் செய்யக் கூடாது -இது சாஸ்திரம் !

குடித்துவிட்டு அடிப்பான்;கூப்பிட்ட குரலுக்கு ஓடிவராவிட்டால் உதைப்பான் -படித்தவன் வாசுகுயின் கற்பை சுட்டி சொல்லி ஏசுவான் ;எந்த பெண்ணும் எதிர்த்து பேசக்கூடாது ;ஆண்பிள்ளை பெற்றெடுத்தறாதவளை வீட்டில் வைத்துக்கொண்டே ,இரண்டாம் ,மூன்றாம் மனைவிகளைக் கட்டிக்கொள்வான் ,அதாவது பெண் ஒரு அனுபோகத்துக்கான பண்டம் என்று நம்பினான் .உலகில் பாதிப்பேர் பெண்கள்-உலகில் பெண்கள் நிலை பெரும்பாலும் அப்படித்தான் .அதை அடி நாள் முதல் எதிர்த்தார் - அவர்தாம் ஈ.வெ.ரா !

ஈ.வெ.ராமசாமி ,1925 வரை ஈ.வெ.ராமசாமி நாயக்கர் என அறியப்பட்டார் ! ஈ.வெ.ரா .சுயமரியாதை சங்கத்தின் தந்தையாக.1926 இல் முகிழ்த்தார்.

தமிழறிந்த பெரியோரும் ,ஆத்திகரும்,நாத்திகரும்,அரசியலறிஞரும் கட்டாய இந்தி எதிர்ப்பு போர்ப்படையின் தலைவராக -தமிழர் தலைவரராக -1938 இல் ஏற்றுக்கொண்டனர்.

தமிழர் தலைவராக - தந்தை பெரியார் ஈ.வெ.இராமசாமி உருவானார்.

அவர் இந்தியத்தேசியவாதியாக இருந்த போதே ஏடுகளில் அழுத்தினார்.மேடைகளில் பேசினார்.அவருடைய எழுத்துகளை 'நவமணி' 'குடிநூல்' ஏடுகள் வெளியிட்டன.அவருடைய பேச்சை The Hindu, The Madras mail,The Madras Standard,Justice, சுதேசிமித்திரன் ,திராவிடன்,நாடற்குல மித்திரன்,தமிழ் நாடு ,நவ சக்தி ஏடுகள் வெளியிட்டன.

இவ்வேடுகளில் வெளிவந்த அவற்றை திரட்டி நாம் விளியிட வேண்டும் .

"நாடற்குல மித்திரன் " எடு முழுவதுமாக எனக்கு கிடைத்தது .அதில் 1922 ,1923 , 1924, 1925 இல் வெளிவந்த எல்லாச் செய்திகளையும் முதன் முதலாக 2009 செப்டம்பர் சிந்தனையாளன் இதழில் தான் நான் வெளியிட முடிந்தது .

The Hindu ஏட்டில் 1950 இல் வெளிவந்ததை 1974 இல் வெளியிட்டேன் .1924 இல் வெளிவந்ததை 1999 இல் முதன்முதலாக வெளியிட்டேன் .

இவற்றையெல்லாம் தேடித் தொகுத்துப் பதிப்பித்து வெளியிடுவதன் மூலம்,அவருடைய தொடக்க காலத்திய சிந்தனையே தெளிவாக ,புதியதாக ,புரட்சி மணம் வீசுவதாக விளங்கியதை நாம் அறிய முடியும் .

தமக்கு சொந்தமான " குடி அரசு " ஏட்டை 2.5.1925 இல் தான் அவர் தொடங்கினார் .அதில் வெளிவந்த அவருடைய தலையங்கக் கட்டுரைகள் ,அறிக்கைகள்,உரையாடல்கள் முற்றாக அவருடைய ஆழ்ந்த சிந்தனைகளை உலகுக்கு உணர்த்துபவை.அவை அப்படியே முதல் நிலை சான்றுகள் .

1925  முதல் 1970  வரை 45 ஆண்டுக் காலத்தில் அவர் தொடங்கிய எல்லா ஏடுகளிலும் அவர் எழுதினார்."விடுதலை" நாளேடு 1935 இல் தொடங்கப்பட்டது .21.12.1973 வரை -அவர் 19.12.1973 இல் ஆற்றிய சொற்பழிவு வரை அவற்றில் வெளிவந்தன.அவற்றிலும் அவருடைய 'தலையங்கங்கள் ,அறிக்கைகள்,வெளிவந்தன.அவையெல்லாம் முதல்நிலை சான்றுகள் .அவருடைய ஏடுகளிலும் (1925 முதல்)பிறர் நடத்திய ஏடுகளிலும் அவருடைய சொற்பொழிவுகள் 1914 முதல் - 1935 முதல்  வெளிவந்தன.அவர் எதையும் எழுதி வைத்துப் பேசுவதில்லை.எடுத்த எடுப்பில் பேசுபவர்.அவருடைய சொற்பொழிவுகளை அவரே ஏடுகளுக்கு எழுதி தந்தார்.தோழர்கள் எழுதி தந்தனர்.உதவியாளர்கள் எழுதித் தந்தனர்.அப்படி எழுதப்பட்டவற்றை அவர் படித்து திருத்தி கையொப்பமிட்டு ஏடுகளுக்கு அனுப்பினார்.இவையெல்லாம் இரண்டாம் நிலை சான்றுகள் .

1974 இல் பெரிய அளவில் அவருடைய சொற்பொழிவுகளும்,எழுத்துக்களும் என்னால் முதன் முதலில் தொகுக்கப்பட்டு ,பதிப்பிக்கப்பட்டு வெளியிடப்பட்ட பெருநூல்தான் " பெரியார் ஈ.வெ.ரா சிந்தனைகள்" மூன்று பெருந் தொகுதிகள்.இவற்றுள் மூன்றில் இரண்டு பங்கு சொற்பொழிவுகள் இவை இரண்டாம் நிலை சான்றுகள் .மூன்றில் ஒரு பகுதி எழுத்துகள்-முதல் நிலை சான்றுகள் .இந்த இரண்டாம் பதிப்பில் இவற்றிலிருந்து நீக்கங்கள் உள்ளன. புதிய சேர்க்கைகள் உள்ளன.

இப்போது விரிவாக்கம் செய்யபடுவதற்க்காக மேற்கொண்டு தொகுக்கப்பட்டவற்றுள் பெரும்பாலானவை பெரியாருடைய எழுத்துக்களே .- அவ்வளவும் முதல் நிலை சான்றுகளே !

எல்லாவற்றையும் சேர்த்து ,73  துறைகள் அல்லது பொருள்கள் அல்லது செய்திகள்; பற்றிய பெரியாரின் அறிய தெளிவான ஆழமான சிந்தனைகளை வெளிப்படுத்தும் -9000 பக்கங்களாக - 20 நூல்களாகத் தமிழர்க்குத் தரப்பட்டுள்ளன.இவற்றை தூக்கிச் சென்று ,ஒரு குன்றின் உச்சியில் நின்று ,உரத்த குரலில், " பெரியார் சிந்தனைகள் வெல்க!" எனத் தமிழரெல்லாம் கூறலாம்! அதற்கான பெரியார் கொள்கை முரசம்தான் "{ பெரியார் ஈ.வெ.ரா.சிந்தனைகள் " நூல்.

அதனை வெற்றியாக வெளிக்கொனருவதர்க்கு 100 பேர்களுக்கு மேல் தமிழகம் ,கருநாடகம், ,துபாய் பகுதிகளிலுள்ள பெரியாரிய-மார்க்சிய -அம்பேத்கரிய-தமிழியக்கத் தோழர்களும் தொண்டர்களும் 100  நாட்களுக்கு மேல் ஒய்வு ஒழிச்சல் இன்றித் தம் பாரிய உழைப்பத்தந்துள்ளனர்.

எங்கள் ஒவ்வருவருடைய முயற்சியும் -ஒவ்வொரு தாயும் தலைச்சன் பிள்ளையைப் பெற்றெடுத்திடப் படுகிற துன்பத்தை விட அதிகமானது.

இது தேவையா என்று ஏகடியம் பேசினோர் -இது வெற்றி பெறக்கூடாது எனத் திட்டமிட்டு 11.10.2009 முதல் 11.1.201 வரை முட்டுக்கட்டை போட்டோர் எல்லோருமே இந்தப் பணியை முடுக்கிவிட எங்களுக்கு மறைமுகமாக உதவினர்.

இப்பேருழைப்பாளர்களுக்கும் ,எங்களின் அன்பான -அடக்கமான-ஆனால் திடமான ,சிறப்பான ,ஈடு இணையற்ற நூல் வெளியீட்டு முன்பதிவு முறையை மனமார வரவேற்றுப் பல நூறு தமிழப் பெருமக்களும் செல்வர்களும் போட்டி போட்டுக்கொண்டு முன்பதிவுக்கு முன்வந்து பெரிய அளவில் ஆதரவு நல்கினர்.

தலைச்சனைப் பெற்றேடுக்கத் துன்புறும் தாய்போல எண்களின் வேண்டுகோளை ஏற்று எல்லாவகையிலும் உதவிய எல்லாத் தொச்ஹர்களுக்கும் ,தோழியர்களுக்கும் நெஞ்சார்ந்த நன்றியை உரித்தாக்குகிறேன்.

35 ஆண்டுகளுக்கு பிறகும் நம்முடன் நலமுடன் ,வாழ்ந்து இன்றும் தமிழ்நாட்டு முதலைமச்சராக விளங்கும் டாக்டர் .கலைஞர் அவர்கள் 21.3.2010 அன்று இந்நூலை வெளியிட்டுச் சிறப்பிக்க மனமுவந்து ஒப்புதல் நல்கியமைக்குப் "பெரியார்-நாகம்மை கல்வி ஆராய்ச்சி அறக்கட்டளையின்  சார்பில் நெஞ்சார்ந்த நன்றியினையும் பாராட்டுதலையும் அன்புடன் உரித்தாக்குகிறேன் .

வெள்ளமெனத திரண்டு வாரீர்!
அள்ளிச் சென்று மாந்திடுவீர்!
" பெரியார் ஈ.வெ.ரா சிந்தனைகளை!"

                                                                                                                   - வே.ஆனைமுத்து .

இந்த மலரை முன்பதிவு செய்ய விரும்புவோர் அணுக வேண்டிய முகவரி :

வே.ஆணைமுத்து ,

தலைவர் - 'பெரியார் -நாகம்மை கல்வி அறக்க்கட்டளை ,

19,முருகப்பா தெரு,சேப்பாக்கம் ,சென்னை -600005.

பேச : 044 - 2852 2862

பணவிடை /வங்கி முறி மூலம் முன்பதிவு செய்திட விரும்புவோர் :

PERIYAR E.V.RAMASAMY -NAGAMMAI EDUCATION AND RESEARCH TRUST என்ற பெயரில் பணம் செலுத்த வேண்டும் .

ஒரு  தொகுப்பின்  மொத்த  விலை : ரூ .5,800/-
முன்பதிவு திட்டம் -(அதிக தள்ளுபடி ரூ .2,000/- )ஒரே தவணையில் ரூ.3,800/-

-பிப்ரவரி 2010 சிந்தனையாளன் இதழிலிருந்து உங்களுக்காக. -- சூரியன்

3டி-யில் எந்திரன்?

ஜக்குபாய் உலக இணையத்தில் முதல் முதலாக வெளிவந்ததில் ஆடிப்போயிருக்கிறார்கள் திரையுலகினர். இதுபோன்ற இணைய கடத்தலுக்கு தனது படங்கள் ஆளாகிவிடக் கூடாது என்பதில் எல்லோரையும் விட உஷாராக இருக்கிறார் இயக்குனர் ஷங்கர்.

இவரது எஸ் பிக்சர்ஸ் தயா‌ரித்திருக்கும் ரெட்டச்சுழி படம் ஏற்கனவே முடிந்துவிட்டது. படத்தின் பாதுகாப்பு கருதி பர்ஸ்ட் காப்பியை அவர் லாக்க‌ரில் பாதுகாப்பதாக கிசுகிசுக்கிறார்கள்.

அதேபோல் எந்திரனின் பாதுகாப்புக்கு இன்னொரு ஐடியா வைத்திருக்கிறார் ஷங்கர். அவதாரைப் போல் 3டி-யில் எடுத்தால் தியேட்ட‌ரில் வந்துதான் படத்தைப் பார்த்தாகணும். இந்த ஐடியாவுக்கு ஏற்படும் செலவைப் பொறுத்து எந்திரன் 3டி-க்கு மாற்றப்படும் என்கிறார்கள்.

இனி கதையை மட்டும் யோசித்தால் போதாது, பாதுகாப்பை பற்றியும் பாடம் படிக்கணும் போலிருக்கிறதே. 

இந்தியாவுக்கு அவுட்சோர்சிங் செய்தால் வரி ஏய்ப்பவர்களாக கருதப்படுவர் - ஒபாமா எச்சரிக்கை

இந்தியாவுக்கு அவுட்சோர்சிங் பணிகளைக் கொடுக்கும் அமெரிக்க நிறுவனங்கள் மீது மீண்டும் பாய்ந்துள்ளார் அதிபர் பாரக் ஒபாமா.

இந்தியா உள்ளிட்ட நாடுகளுக்கு அவுட்சோர்சிங் பணிகளைக் கொடுக்கும் அமெரிக்க நிறுவனங்கள் வரி ஏய்ப்பு செய்பவையாக கருதப்படுவர் என்று அவர் எச்சரித்துள்ளார்.

இதுகுறித்து புளூம்பெர்க் வார இதழுக்கு அவர் அளித்துள்ள பேட்டியில், இங்கேயே வர்த்தகம் நடத்தினால், இங்குள்ள தொழிலாளர்களைப் பயன்படுத்தினால், இங்கேயே அனைத்து வர்த்தகத்தையும் மேற்கொண்டால் உங்களுக்கு 35 சதவீத வரி விலக்கு கிடைக்கும்.

அதேசமயம், நீங்கள் உங்கள் பணிகளை இந்தியாவுக்கு கொண்டு சென்றால், அங்கு முதலீடு செய்தால், உங்களது வேலைகளை இந்தியாவில் வைத்துக் கொண்டால், உங்களது தலைமையிடத்தை மட்டும் இங்கு வைத்துக் கொண்டு தொழில் பிரிவுகளை இந்தியாவில் அமைத்தால், நிச்சயம் உங்களுக்கு வரி விலக்கு கிடைக்காது. மேலும் வரி ஏய்ப்பு செய்பவர்களாகவும் நீங்கள் கருதப்படுவீர்கள் என்று எச்சரித்துள்ளார் ஒபாமா.

நன்றி : தட்ஸ்தமிழ்

இந்தியா வளர்கிறதா? இல்லை அடிமையாகுதா?

வளர்ந்து வரும் இந்தியா,உலக நாடுகளின் கவனத்தை ஈர்த்துள்ளது .இந்த வளர்ச்சி ஒருபுறம் சில நாடுகளிடையே கழ்ப்புணர்ச்சி உருவாகவும் காரணமாக அமைந்துள்ளது .குறிப்பாக நம்மை எப்போதும் எதிரியாக நினைக்கும் பாகிஸ்தான் ,சீன்டிபார்க்கும் சீன ,இந்த பக்கம் இலங்கைகூட இந்தியாவின் பொறுமையை சோதித்து வருகிறது.

எல்லைப்பகுதியில் ஏற்படும் அச்சுறுத்தல்களை சமாளிப்பதில்தான் நாட்டின் பாதுகாப்பும்,வளர்ச்சியும் இருக்கிறது.அந்த வகையில் இந்தியாவிடம் சிறப்பான படைபலமும்,ஆயுத பலமும் இருக்கத்தான் செய்கிறது.
இதெற்கெல்லாம் பெருமை சேர்க்கும் விதமாக தற்போது நவீன போர்கருவி ஒன்றின் தயாரிப்பு பணி வெற்றிகரமாக முடிந்துள்ளது.

கில் வெய்க்கில்  :
 
கில் வெய்க்கில் (Kill Vehicle) எனப்படும் இந்த லேசர் கருவி எதிரிகளை எல்லைக்கு வெளியிலேயே வீழ்த்தும் நவீன வகையைச் சேர்ந்தது .எனவே எதிரிகளை ஏவுகணைகள்,விமானங்களை இந்திய வான் எல்லைக்கு வெளியிலேயே இது வீழ்த்திவிடும் .

ஏற்கனவே தரைதளத்தில் இருந்து எதிரிகளின் இலக்கை அழிப்பது ,ஏவுகணைகளை வழிமறித்து தாக்குவது போன்ற போர் ஏவுகணைகளை வழிமறித்து தாக்குவது போன்ற போர் ஏவுகணைகள் இந்தியா வசம் உள்ளது.இது போன்ற ஏவுகணைகள் பல்வேறு நாடுகளிடமும் இருக்கிறது.2007 ம் ஆண்டு சீன,தரையில் இருந்து நெடுன்தூரத்திலேயே வழிமறித்து தாக்கும் ஏவுகணையை தயாரித்தது.2008 ம் ஆண்டு அமெரிக்கா கப்பல் தளத்தில் இருந்து வழிமறித்து தாக்கும் ஏவுகணை சோதனை நடத்தியது.

தற்போது இந்தியா தயாரித்திருக்கும் 'கில் வெய்க்கில் ' இவற்றைவிட சக்தி வாய்ந்தது .விண்ணில் இருந்து செயற்கைக்கோள் உதவியுடன் இதை இயக்க முடியும்.இதனால் எதிரிகளின் வியூகத்தை இந்திய வான் எல்லைக்கு வெளியில் வைத்தே யூகித்து சமாதியாக்க முடியும். 

இதைவிட மேலான சிறப்பம்சம் என்னவெனில் இந்தக் கருவி விண்ணிலேயே செயற்கைக்கோள் போல நிலைநிறுத்தி வைக்கப்படுகிறது என்பதுதான் .இந்த நவீன உத்தியால்  உலகமே இந்தியாவை உன்னிப்பாக கவனிக்கத் தொடநிருக்கிறது குறிப்பிடத்தக்கது.

இந்தியா அடிமையாகுதா?

நீங்கள் இப்போது படித்து போன்ற புத்திசாலிதனமாக இந்திய சில விஷயங்களை செய்து உலக நாடுகளை மூக்கின் மேல் விரல்வைக்க வைத்தாலும் ,அவர்களே எள்ளி நகையாடும் வகையில் ஒரு காரித்தை செய்தது என்றால் நீங்கள் நம்புவீர்கள்தானே ?


அது என்னெவென்றால் ,சில நாட்களுக்கு முன்பு இந்தியா ஒரு போர்க்கப்பலை அமெரிக்காவிடமிருந்து வாங்கியது (சும்மா இல்லை 900 கோடி ரூபாய் விலைக்கு ).உடனே நீங்கள் அது என்னமோ Latest technology உள்ள கப்பல் என்று நீகக் தவறாக நினைத்து இந்தியாவை மதிப்பிடாதீர்கள்.அந்த கப்பல் அமெரிக்க இரண்டாம் உலகப்போரில் பயன்படுத்தியது.50 வருடங்களுக்கு பிறகு காயலான் கடையில் போடுவதற்கு பதிலாக இளிச்சவாய இந்தியாவிற்கு 900 கோடி ரூபாய்க்கு விற்றிருக்கிறது ,அதை இந்த தலையாட்டி சாமி மன்மோகன் அரசு வாங்கி இருக்கிறது .இதேல்லாம் விட பெரிய கொடுமை இந்த கப்பலை வாங்கும் போது அமேரிக்கா போட்ட ஒப்பந்தம் தான் .அதாவது இந்த கப்பலை இந்தியா எக்காரணம் கொண்டும் போரில் பயன்படுத்தக்கூடாது என்பதுதான் .
என்ன கொடுமை சார் இது ! ஒரு போர்க்கப்பலை போரில் பயன்படுத்தக்கூடாது என்றால்  எந்த ______ க்கு 900 கோடி ரூபாய் கொடுத்து வாங்கணும்.அந்த அளவிற்கா நாம் அமெரிக்கா காரனிடம் அடிமைப்பட்டு போயிருக்கோம் .

இதெல்லாம் எவன் அப்பன் வீட்டு துட்டு ???????? யோசிங்க .......!!!!!!!!!!!!!!!!!!


-சூரியன் .

மன்னிக்கவும்!!!

தோழர்களே !
கடந்த ஒரு மாதமாக சில அலுவலக  மற்றும் சொந்த காரணங்களால் என்னால் சரிவர வலைதளத்தில் எழுத முடியவில்லை ,தினமும் வந்து என்னுடைய வலைதளத்தை பார்க்கும் நண்பர்களுக்கு இது நிச்சயம் ஏமாற்றத்தை  கொடுத்திருக்கும்,அதற்காக தயவு செய்து என்னை மன்னித்து விடுங்கள் .இனிமேல் நாம் வழக்கம் போல நம்முடைய கருத்துக்களை இங்கே பகிர்ந்து கொள்ளலாம் . 


என்றும் உங்க ஆதரவை நாடும் ,
-சூரியன் .

ஆயிரத்தில் ஒருவன் - ஒரு அலசல்

"ஆயிரத்தில் ஒருவன்" இந்த பெயரை வைத்துக்கொண்டு தமிழ்நாட்டில் யார்யாரோ ,என்னென்னவோ செய்தார்கள் ,செய்துகொண்டிருக்கிறார்கள் ,இனிமேலும் செய்வார்கள் .இப்போது இளைஞர்களின் இயக்குனர் செல்வராகவனும் செய்திருக்கிறார் ஒரு திரைப்படத்தை .இப்படி ஒரு படத்தை செல்வராகவன் அறிவித்ததிலிருந்தே தமிழ் சினிமா வுலகில் பரபரப்பு தொற்றிக்கொண்டு விட்டது .பொத்தி பொத்தி வெடிக்கும் பட்டாசு புஸ்வனமாகத்தான் போகும் என்பது தமிழ் சினிமாவின் எழுதப்படாத விதி (சங்கர் போன்றவர்கள் இதிலும் விதிவிலக்கு ).ஆனால் இந்த படம் எப்படி என்பதை நாம் கடைசியில் பார்ப்போம் .

இந்நேரம் தமிழ்நாட்டில் பெரும்பலனவர்களுக்கும் இப்படத்தின் கதை தெரிந்திருக்கும் ,ஏனென்றால்  படம் பார்த்தார்களோ இல்லையோ கதையை தெரிந்து கொண்டிருந்திருப்பார்கள் .  நான் ஏன் இப்படி சொல்கிறேன் என்றால் படம் வெளியாகி மூன்றாவது நாள் நானும் என் நண்பர்களும் படம் பார்க்க செல்லும் போது திரையரங்கில் நங்கள் வெறும் நான்கு பேர்தான் .படம் ஆரம்பித்த பிறகும் கொஞ்சம் கூட்டம் வந்தது ,ஆனாலும் மொத்தத்தில் நூறைத்தாண்ட வில்லை .எனக்கு அப்போது காரணம் என்னவென்று புரியவில்லை .அதற்குள் ஊருக்குள் இந்த படம் சரியில்லை என்று பேச்சு .அனால் நான் இது போல் பல பேச்சுக்களை கேட்டிருக்கிறேன் ,ஆவர்களின் பேச்சையும் மீறி படம் ஹிட்டானதும் மாற்றி பேசுவதையும் கேட்டிருக்கிறேன் .அதனால் யார் பேச்சையும் கேட்காமல் நான் என்னுடைய சொந்த  கருத்தை அறிய விழைந்து படம் பார்க்க சென்றேன்.  

நான் ஏற்கனவே சொன்னது போல எல்லாருக்கும் இப்படத்தின் கதை தெரிந்திருக்கும் என்பதால் நான் நேராக விமர்சனத்துக்குள் செல்லலாமென்று நினைக்கிறேன் .படம்  பார்த்துவிட்டு வெளியே வந்த எனக்கு "ச்சே ,என்னமா எடுத்திருக்கான்யா படத்தை ,சூப்பர் என்று தான் சொல்ல வாய் வந்தது ,அப்படித்தான் நானும் சொன்னேன் .ஆனால் விமர்சனம் எழுதவேண்டும் என்று அமர்ந்து யோசிக்கும் போதுதான் அதில் எவ்வளவு  குறைபாடுகள் உள்ளது ,ஏன்  இந்த படம் மக்களுக்கு பிடிக்க வில்லை ? (புரியவில்லை! ) என்ற கேள்விக்கான விடைகள் கிடைக்க ஆரம்பித்தன .அதை நான் உங்களுடன் பகிர்ந்து கொள்ள ஆர்வமாகி இதோ எழுதுகிறேன் ........

முதலில் இந்த படத்தை ஆங்கில படம் போல எடுத்திருக்கிறார்கள் என்று எல்லோரும் சொல்வதை நானும் ஆமோதிக்கிறேன் ,ஏனென்றால் உண்மைலேயே ஆங்கில படத்திலிருந்த நிறைய காப்பி பண்ணித்தான் எடுத்திருக்கிறார்கள் .செல்வராகவன் ஆங்கில படத்திற்கு இணையாக எடுப்பது என்பது ,அதை பார்த்து அப்படியே காப்பி அடிப்பது என்று நினைத்து விட்டார் போல ( பார்க்கவும் மம்மி,கிளாடியேட்டர் ,மெக்கனாஸ் கோல்ட் ).கொஞ்சம் கூட கூச்சமே இல்லாமல் காப்பி அடித்துவிட்டு இதை நிரூபித்தால் நான் சினிமா எடுப்பதையே விட்டுவிடுகிறேன்  என்று சவால் வேறு . 


யோகி எடுத்து கெட்ட அமீர் போல ,ஆ.ஒ மூலம் கெட்ட செல்வராகவன் என்று தான் எனக்கு சொல்ல தோன்றுகிறது .படத்தின் முதல் பாதி உண்மைலேயே மிக அருமை ,போரடிக்காமல் செல்வராகவன் தனக்கே உரிய செக்ஸ் நடையில் படம் எடுத்திருந்தார் .எப்பவும் போல அதை ரசித்து கைதட்டி ரசித்த மக்களுக்கு இடைவேளைக்கு முன் படத்தில் வரும் கார்த்தி ,ரீமாசென் ,ஆண்ட்ரியா (அப்பாடா !!! படத்தில் நடித்தவர்கள் பெயர் சொல்லியாச்சு )காது கிழிவது போல கிழிகிறது இரண்டாம் பாதியில் .அவ்வளவு சத்தம் எதற்கென்று தெரியவில்லை ,கொடுரம் ஏனென்றும் தெரியவில்லை .தேவையல்லாத கட்சிகள் நிறைய இருக்கிறது படத்தில் ,செல்வராகவன் எதோ ஒரு ராஜா ,ராணி என்று சொல்லிவிட்டு போயிருந்தால் இவ்வளவு  பிரச்சினையே கிடையாது.அவருடைய சொந்த கற்பனைக்கெல்லாம் சோழ ,பாண்டியர்களை வம்பிக்கிழுத்ததுதான் பெரிய பிரச்சினையே .அந்த மன்னர் குடும்பத்தினர் அவமரியாதை வழக்கு போட்டால் இவர்  அம்பேல் தான் . படத்தில் எல்லோரும் சொல்வது போல சோழர்களை காட்டு மிராண்டிகளாக காட்டியது மிகப்பெரிய தவறு.தான் மிகப்பெரிய ஆராய்ச்சி செய்து இப்படத்திற்கு திரைக்கதை எழுதியாக சொன்னார் இயக்குனர் ,என்ன ஆராய்ச்சி செய்தாரோ தெரியவில்லை சோழர்களை பற்றிய படம் எடுக்க இவர் எதற்கு ரோமானிய மன்னர்களை பற்றி ஆராய்ச்சி பண்ணார் என்றுதான் எனக்கு சுத்தமாக விளங்கவில்லை .புரியவில்லையா ? இதோ சொல்கிறேன் ,படத்தில் அவர் காட்டிய போர்முறைகள் ரோமானியர்களின் போர்முறைகளாகும்.எந்த தமிழ மன்னனும் அடிமைகளையும் ,கைதிகளையும் மோத விட்டு வேடிக்கை பார்த்தது கிடையாது .எனக்கு தெரிந்து தமிழ்நாட்டில் யாரும் ஆப்பிரிக்கர்களை மிஞ்சும் அளவுக்கு கருப்பாக இருந்ததாகவும் ,இருப்பதாகவும் கேள்விப்பட்டதும் ,படித்ததும் இல்லை .இன்னும் பற்பல லாஜிக் ஓட்டைகள் குவிந்து கிடக்கின்றன இப்படத்தில் .ஏழு கண்டம் தாண்டி வரும் இடத்திற்கு ஹெலிகாப்டர்கள் கிளைமாக்சில் சட்டென்று வருவது ,வியட்நாம் நாட்டு தீவில் இந்திய ராணுவம் வந்து சிங்கள ராணுவம் போல கொடூரங்கள் நிகழ்த்துவது .இதெல்லாம் அவதார் படத்தில் வரும் பண்டோரா கிரகத்தில் வேண்டுமானால் நடக்கலாம் ,இப்புவியில் நடக்க வாய்ப்பே இல்லை .இன்னும் எவ்வளவோ ஓட்டைகள் படத்தில் .

என்னடா இவன் இப்படி காய்ச்சி எடுக்கிறானே ,படத்தில் எதுவுமே நன்றாக இல்லையா என்று நினைத்து விடாதீர்கள் .இருக்கின்றன ,அதெல்லாம் செல்வராகவன் படத்தில் நாங்கள் எதிர்பார்த்து போனவைகள்,மிகவும் நன்றாகவே செய்திருந்தார் முதல் பாதியை .ஏனோ இரண்டாம் பாதி எழுதும் போது அவருக்கு மூளை குழம்பிப்போய் இருந்திருக்கலாம் .படத்தில் மொத்தம் மூன்று முக்கிய  கதாபாத்திரங்கள்  (கார்த்தி ,ரீமா,.பார்த்திபன் ),இவர்கள் இந்த மொத்த படத்தையும் தாங்கி செல்கிறார்கள் ,ஓரளவுக்கு  தூக்கியும் நிறுத்துகிறார்கள் .ஒரு திறமையான இயக்குனரான பார்த்திபனுக்கு கூட இயக்குனர் கதையை சொல்லவில்லையாம் ,அது இந்த படத்தை பார்க்கும் போதே தெரிகிறது .படம் முழுக்க பார்த்திபன் என்ன கதையாக இருக்கும் என்று யோசிப்பதுபோலவே மிரட்சியுடன் திரிகிறார்.

ரீமாசென் பாராட்டப்பட வேண்டிய நடிப்பு .பார்த்திபன் அந்த கிளைமாக்ஸ் ல் அவருடைய நடிப்பு ,உணர்ச்சி வெளிப்படுத்தும் விதம் விருது கொடுத்து பாராட்டப்பட வேண்டியது .இவருக்கு கதை சொல்லிருந்தால் இன்னும் பண்பட்ட நடிப்பை வெளிக்கொனர்ந்திருப்பார் .கார்த்தி இவர் உண்மையிலேயே தமிழ் சினிமாவில் ஒரு அரிதான நடிகராக இருக்கிறார் .எந்த வொரு build up இல்லாமல் பன்ச் டயலாக் இல்லாமல் படம் முழுக்க அடிவாங்குகிறவராகவே உலா வருகிறார்.இதற்கும் ஒரு தைரியம் துணிச்சல் வேண்டும் .

இசை -என்னமோ போங்க ,நெல்லாடிய ,உன்மேல ஆசைதான் தவிர வேறெந்த பாட்டும் மனதில் நிற்கவில்லை ,பின்னணி இசை கூட பரவாயில்லைதான் .செல்வராகவன் படத்தில் பின்னணி இசைவரைக்குமே தனியாக டவுன்லோட் செய்தது கேட்பவர்கள் உண்டு ,அந்த அளவுக்கு பிரசித்தம் .செல்வராகவன் உங்களுக்கு இவர் சரிவரமாட்டார் விட்டுவிடுங்கள்.

படத்தில் எந்தவொரு குறையும் சொல்லாத மாதிரி  இருப்பது எதுவென்றால் ஒளிப்பதிவும் ,கலையும் (Art ) தான் .இரண்டாம் பாதியில் editor கூட கொஞ்சம் தூங்கிட்டார் போலிருக்கிறது .ரொம்ப நீளமான காட்சிகள் நிறைய இருக்கிறது .

என்ன செய்து யாருக்கு புண்ணியம் எல்லாத்தையும் சாப்பிட்டு யாப்பம் விட்டுவிட்டது சொதப்பலான செல்வராகவனின் கதையும்,திரைக்கதையும் .இனிமேலாவது சொந்தமாக யோசிக்காமல் உதவி இயக்குனர்களின் கருத்துக்களுக்கும்  மதிப்பு கொடுங்கள் சார் .இன்னொரு சேரனாக உருவாகிவிடாதீர்கள் .நாங்கள் உங்களிடம் இன்னும் நம்பிக்கையோடு எதிர்பார்த்து காத்திருக்கிறோம் .ஆளானப்பட்ட பாலாவே ஆறு மாசத்தில் படம் எடுக்க வந்துவிட்டார் நீங்களெல்லாம் ஏன் இன்னும் வருஷ கணக்கில் எடுத்துக்கொண்டிருக்கிறீர்கள்.

சரி படம் எப்படி என்று கேட்பவர்களுக்கு ஒரு நினைவூட்டல் ,நான் ஆரம்பத்தில் சொன்னது போலவே தமிழ் சினிமாவின் செண்டிமெண்டை மீண்டும் நிரூபித்த படம் "ஆயிரத்தில் ஒருவன் ".(விதி விலக்கல்ல ).

-சூரியன்